اسلام آباد: الیکشن کمیشن نے عام انتخابات کے دوران ڈیوٹی کرنے والے پولنگ اسٹاف کی مجوزہ فہرست تیار کر لی۔۔ ملک بھر میں 10 لاکھ 7 ہزار 361 پریزائڈنگ، اسسٹنٹ پریزائڈنگ اور پولنگ افسران تعینات ہوں گے۔
الیکشن نامہ کو موصول دستاویز کے مطابق آئندہ سال ہونے والے عام انتخابات کے لئے پنجاب میں 54 ہزار 7 سو 6 پریزائڈنگ اور 3 لاکھ 10 ہزار 968 اسسٹنٹ پریزائڈنگ افسران تعینات کئے جائیں گے۔ اسی طرح ایک لاکھ 60 ہزار 435 پولنگ افسران انتخابی ڈیوٹی انجام دیں گے۔ پنجاب بھر میں مجموعی طورپر انتخابی عملے کی تعداد 5 لاکھ 26 ہزار 123 ہوگی۔
سندھ میں 20 ہزار 315 پریزائڈنگ اور ایک لاکھ 62 ہزار 523 اسسٹنٹ پریزائڈنگ افسران تعینات ہوں گے۔ سندھ میں 26 ہزار 281 پولنگ افسران کی تعیناتی کے بعد مجموعی انتخابی عملے کی تعداد 2 لاکھ 64 ہزار 100 ہوگی۔
خیبرپختونخوا میں انتخابی عملے کی مجموعی تعداد ایک لاکھ 66 ہزار 656 تجویز کی گئی ہے۔ جن میں 16 ہزار 550 پریزائڈنگ اور ایک لاکھ 85 اسسٹنٹ پریزائڈنگ افسران شامل ہوں گے۔ مجوزہ فہرست کے مطابق خیبرپختونخوا کیلئے 50 ہزار 45 پولنگ افسران بھی ڈیوٹی انجام دیں گے۔
بلوچستان میں مجموعی طور پر 50 ہزار 491 انتخابی عملہ تعینات کیا جائے گا۔ ان میں 5 ہزار 266 پریزائڈنگ، 30 ہزار 150 اسسٹنٹ پریزائڈنگ افسران اور 15 ہزار 75 پولنگ افسران شامل ہوں گے۔
