لاہور: الیکشن کمیشن نے پنجاب اسمبلی میں خواتین کی 42مخصوص اور اقلیتوں کی 5 نشستوں کا نوٹیفکیشن جاری کردیا۔ مسلم لیگ ن کی 36،پاکستان پیپلز پارٹی کی 3،مسلم لیگ ق کی 2اور استحکام پاکستان پارٹی کی ایک خاتون شامل ہے۔ جبکہ پانچوں اقلیتی ارکان کا تعلق مسلم لیگ ن سے ہے۔
الیکشن کمیشن کی طرف سے جاری کردہ فہرست کے مطابق پنجاب اسمبلی میں مسلم لیگ ن کی ذکیہ خان،عشرت اشرف،مریم اورنگزیب،عظمیٰ زاہد بخاری،حنا پرویز بٹ،سلمیٰ سعدیہ تیمور،راحیلہ نعیم،بشریٰ انجم بٹ،ثانیہ عاشق جبین،سلمیٰ بٹ،کنول پرویز،مہوش سلطانہ،نوشین عدنان،عاصمہ احتشام الحق اور کوثر جاوید منتخب رکن قرار پائی ہیں۔ اسی طرح مسلم لیگ ن کی ہی عظمیٰ جبین،عنبرین اسماعیل،ممتاز بیگم،سنبل ملک حسین،رخسانہ کوثر،شازیہ رضوان،موتیہ بیگم،رابعہ نسیم فاروقی،سونیا عاشر،عظمیٰ کاردار،صفیہ سعید،تاہیہ نون،امینہ حسن، اسما ناز، طاہر ہ مشتاق، زیب النسااعون،فاطمہ بیگم،قدسیہ بتول،رفعت عباسی،عطیہ افتخاراوررشدہ لودھی بھی رکن پنجاب اسمبلی منتخب ہوگئی ہیں۔
Seat Reserved for Women in the Provincial Assembly of Punjab.
الیکشن کمیشن کی جاری کردہ فہرست کے مطابق پاکستان پیپلز پارٹی کی شازیہ عابد،نیلم جبار چوہدری اور نرگس فیض ملک بھی پنجاب اسمبلی کی مخصوص نشستوں پر کامیاب قرار پائیں۔ مسلم لیگ کی خواتین میں تشفین صفدر اور سلمیٰ سعید جبکہ استحکام پاکستان پارٹی کی سارہ احمد بھی ایم پی اے بننے والوںمیں شامل ہیں۔
پنجاب اسمبلی میں اقلیتوں کی مخصوص نشستوں پر مسلم لیگ ن کے فلبوس کرسٹو فر،ایمانول اطہر،رمیش سنگھ اروڑا،خلیل طاہر اور شکیلہ جاوید کامیاب قرار پائیں۔
Seat Reserved for Non Muslims in the Provincial Assembly of Punjab.
واضح رہے کہ پنجاب اسمبلی میں خواتین کے لئے 66 نشستیں مختص ہیں جن میں سے ابھی 42 کا نوٹیفکیشن جاری کیا گیا ہے۔ اسی طرح اقلیتوں کے لئے مخصوص 8 نشستوں میں سے 3 پر ابھی تک کسی امیدوار کی کامیابی کا اعلان نہیں کیا گیا۔
